"სუპერსამშაბათის" იმედგამაცრუებელი შედეგების შემდეგ, 70 წლის სენატორმა მასაჩუსეტსის შტატიდან, ელიზაბეტ უორენმა საპრეზიდენტო კამპანია შეწყვიტა. იუწყება BBC-ი.
გუშინ ცნობილი გახდა, რომ აშშ-ის საპრეზიდენტო მარათონს გამოეთიშა მილიარდერი მაიკლ ბლუმბერგი.
ორშაბათს ცნობილი გახდა, რომ საპრეზიდენტო კამპანია შეწყვიტა დემოკრატმა ემი კლობუჩარმა. მან თავის მომხრეებს მოუწოდა, მხარი დაუჭირონ ჯო ბაიდენს, აშშ-ის ყოფილ ვიცე-პრეზიდენტს.
კვირას, კამპანიის შეწყვეტის გადაწყვეტილება მიიღო პიტ ბუტეჯეჯმა, საუთ-ბენდის ყოფილმა მერმა.
დემოკრატიული პარტიის საპრეზიდენტო ნომინაციის მოპოვების მთავარ მეტოქეებად ჯო ბაიდენი და ბერნი სანდერსი რჩებიან.
