მე თანახმა ვარ, 120/30-ზე იყოს. რა თქმა უნდა, ნორმალური განაწილებით, - აცხადებს „დემოკრატიული მოძრაობა- ერთიანი საქართველოს“ ლიდერი ნინო ბურჯანაძე სსაარჩევნო სისტემასთან დაკავშირებით ოპოზიციასა და ხელისუფლებას შორის არსებული მოლაპარაკებების შესახებ.
მისი თქმით, ვითხოვთ, რაც შეიძლება მეტ პროპორციულად არჩეულ დეპუტატს პარლამენტში და არა - მაჟორიტარს.
„რადგან არის საუბარი 100/50-ზე, 110/40-ზე, ჩვენ, რა თქმა უნდა, ვითხოვთ, რაც შეიძლება მეტ პროპორციულად არჩეულ დეპუტატს პარლამენტში და არა - მაჟორიტარს. გვესმის, რომ 10 მაჟორიტარზე ხელისუფლება არ წამოვა. გვესმის, რომ 130/20-ზე და 125/15-ზეც, თუმცა ვიბრძვით ამისთვის, მათთვის ძალიან მძიმე დასათმობია, მაგრამ მე ჩემი მხრიდან შემიძლია, ვთქვა, რომ თუ წამოვლენ 120/30-ზე, მე ძალიან შევეცდები, რომ ჩემი კოლეგები ოპოზიციური მაგიდიდან დავარწმუნო იმაში, რომ ჩვენი მხრიდანაც რაღაც კომპრომისული ნაბიჯი გადაიდგას, მაგრამ 110/40-ზე მე ეს არგუმენტები ნამდვილად ვერ მექნება“, - თქვა ბურჯანაძემ.
