უკრაინის უმაღლესმა რადამ თანამდებობიდან გადააყენა ქვეყნის პრემიერ-მინისტრი ალექსეი ჰონჩარუკი.
გადაწყვეტილებას, რომლის მიღებასაც მინიმუმ 226 ხმა სჭირდებოდა, მხარი 353-მა დეპუტატმა დაუჭირა.
უკრაინის კანონმდებლობით, პრემიერ-მინისტრის გადაყენება ავტომატურად იწვევს მთელი კაბინეტის გადადგომას.
მთავრობა გააგრძელებს მოვალეობის შესრულებას ახალი კაბინეტის ფორმირებამდე.
უკრაინის რადას რიგგარეშე სხდომა პრეზიდენტ ვოლოდიმირ ზელენსკის მოწვევით ჩატარდა.
ზელენსკიმ სიტყვით მიმართა დეპუტატებს და მთავრობა მკაცრად გააკრიტიკა.
