არცერთი ჩინეთის მოქალაქე საქართველოს მიწაზე ფეხს არ უნდა ადგამდეს, სანამ არის [კორონავირუსის] ეპიდემიის საფრთხე - აცხადებს საქართველოს მესამე პრეზიდენტი მიხეილ სააკაშვილი.
მისი თქმით, უნდა აიკრძალოს ჩინეთის მოქალაქეების შემოსვლა საქართველოში სახმელეთო, საზღვაო და საჰაერო საზღვრით.
"გრძელდება ჩინეთიდან საქართველოში მოქალაქეების ჩამოსვლა. საქართველოს ხელისუფლება იქცევა უკიდურესად უპასუხისმგებლოდ და ეს არაფერი არ იქნება, რომ ეს არ ეხებოდეს თითოეულ თქვენგანს, ჩვენს შვილებს, რომლებიც არიან ამ სასიკვდილო დაავადების ძალიან დიდი რისკის ქვეშ! დაუყოვნებლივ დღესვე! ხვალ დილიდანვე! უნდა აიკრძალოს ჩინეთის მოქალაქეების ჩამოფრენა საქართველოში! აიკრძალოს შემოსვლა საქართველოს სახმელეთო, საზღვაო და საჰაერო საზღვრით. ეს არ არის რეკომენდაცია!
თუ კიდევ ოდნავ სინდისის და საღი აზრის ნატამალი შერჩენია ივანიშვილს მან ეს უნდა გააკეთოს დაუყოვნებლივ! არცერთი ჩინეთის მოქალაქე საქართველოს მიწაზე ფეხს არ უნდა ადგამდეს სანამ არის ეპიდემიის ასეთი საფრთხე და სანამ არ მომხდარა მასობრივი გავრცელება, რისი დიდი საფრთხეც არსებობს მათ შორის საქართველოსთან მიმართებაში!
ფრენების აკრძალვა არ კმარა! საჭიროა მესამე ქვეყნების მეშვეობით და ისევე როგორც ვიცი ჩინელები შემოდიან ახლა აზერბაიჯანიდან, რუსეთიდან, ემირატებიდან და სხვა მიმართულებებიდან ჩინეთის მოქალაქეების აკრძალვა", - განაცხადა მიხეილ სააკაშვილმა.
