სოფელ ჭალადიდში მომხდარი ავარიის დროს დაშავებული მძღოლი მაშველებმა დაზიანებული ავტომობილიდან გადმოიყვანეს. სამაშველო ოპერაცია თითქმის 4 საათი მიმდინარეობდა.
მძღოლს ქვედა კიდურების მძიმე დაზიანებები აქვს. ის სასწრაფო დახმარების ჯგუფმა ფოთის ჰოსპიტალში გადაიყვანა. დაშავებულს ამ წუთებში სამედიცინო კვლევა უტარდება.
წინასწარი ინფორმაციით, სატვირთო ავტომობილის მძღოლმა საჭე ვერ დაიმორჩილა, სავალი ნაწილიდან გადავიდა და ხეს შეეჯახა.
