ხვალ, 31 ოქტომბერს, 12:00 საათზე TC - თბილისი ცენტრალში (რკინიგზის სადგური) პარტია ლელოს პირველი "ღია ოფისი" გაიხსნება, სადაც პირადად შევხვდები პარტიაში გაწევრიანების ყველა მსურველს, ხელს ჩამოვართმევ და პირადად გავეცნობი მათ შეხედულებებს, აცხადებს "ლელოს" დამფუძნებელი მამუკა ხაზარაძე.
"ჩვენი ახალი ოფისი იქნება ღია კარი ყველასთვის, ადგილი, სადაც საქართველოს მოქალაქეებს შეეძლებათ მოსვლა, გაწევრიანება და ლელოს ლიდერებთან პირადი კომუნიკაცია. ხვალ, 12 საათზე ლელო იწყებს ახალი ძლიერი გუნდის შექმნას, ახალ თანამოაზრეებსა და თანამებრძოლებთან შეხვედრას. ყველასთან, ვისაც სურვილი აქვს ახალი ეროვნული იდეის ირგვლივ გავერთიანდეთ, ერთად შევცვალოთ ჩვენი ქვეყნის რეალობა", წერს სოციალურ ქსელში ხაზარაძე.
