30 წლის ქალი, რომელსაც ყოფილმა მეუღლემ განქორწინების დღეს დაზიანებები მიაყენა, გარდაიცვალა. ექიმებმა მისი გადარჩენა მიყენებული მძიმე ტრავმების გამო ვერ შეძლეს. პოლიციას სავარაუდო ეჭვმიტანილი ჯერ არ დაუკავებია.
წინასწარი ინფორმაციით, ქალს თავის არეში დაზიანებები სავარაუდოდ, ხის საგნისგან ჰქონდა მიყენებული. შემთხვევა ხაშურში, თამარ მეფის ქუჩაზე მოხდა.
შსს-მ ფაქტზე გამოძიება განზრახ მკვლელობის მცდელობის მუხლით დაიწყო. სავარაუდო მკვლელის დაკავების შესახებ ინფორმაცია არ ვრცელდება.