მე განვიხილავ თავს უზენაესი სასამართლოს მოსამართლედ, განვიხილავ თავმჯდომარედაც, - განაცხადა მოქმედმა გენერალური პროკურორმა, უზენაესი სასამართლოს უვადო მოსამართლეობის კანდიდატმა, შალვა თადუმაძემ პარლამენტში დეპუტატ ლევან კობერიძის კითხვის პასუხად.
„მიმაჩნია, რომ როგორც გენერალური პროკურორი ვმსახურობ სახელმწიფოს ისე, რომ ჩემ უკან არ არის არცერთი ამბავი, რომ ვინმეს შალვა თადუმაძის სახელით დაურეკეს, რაღაცა ჩამოართვეს, რაღაცა წაართვეს, რაღაცა გადაიფორმეს, ღამის ნოტარიუსები მოიწყო და ა.შ. იმავენაირად ვაპირებ, გავაგრძელო საქმიანობა სასამართლოში და ეს იქნება ის გარანტია, რომელიც 18 წელი მე ჩემი საქმიანობით დავამტკიცე“, - თქვა თადუმაძემ.