"მთავარი არხის" საინფორმაციო სამსახურის უფროსი, ნოდარ მელაძე პროკურატურაში გამოკითხვაზე დაიბარეს. ამის შესახებ ნოდარ მელაძე სოციალურ ქსელში წერს.
"ჩემი რიგიც მოვიდა! ხვალ 11 საათზე, გამოკითხვაზე ვარ დაბარებული მთავარ პროკურატურაში. დანარჩენი გამოკითხვის შემდეგ", - დაწერა არხის საინფორმაციო სამსახურის უფროსმა "ფეიბუკზე".
შეგახსენებთ, საგამოძიებო უწყებაში გამოკითხვაზე იმყოფებოდნენ ტელეკომპანია "ფორმულას" საინფორმაციო სამსახურის ხელმძღვანელი, გიორგი ლაფერაშვილი და ტელეკომპანიის გენერალური დირექტორის ყოფილი მოადგილე და ჟურნალისტი, ზაალ უდუმაშვილი. ასევე ტელეკომპანია "ფორმულას" დირექტორი, ზურაბ გუმბარიძეც
პროკურატურამ გამოძიება "რუსთავი 2"-ის კანონიერი ინტერესის საწინააღმდეგოდ უფლებამოსილების ბოროტად გამოყენების, მისი კუთვნილი დიდი ოდენობით თანხების სამსახურებრივი მდგომარეობის გამოყენებით მითვისების და ქონების მოჩვენებითი ან/და თვალთმაქცური გარიგებით გადამალვის ფაქტზე" 2019 წლის 20 ივლისს დაიწყო.