2019 წელს ქართულენოვანი მოსახლეობის 50%-ისა და ეთნიკური უმცირესობების 74% -ისთვის ქორწინების გარეშე შევილის გაჩენა გაუმართლებელია. ევროპის ფონდმა „ევროკავშირის მიმართ დამოკიდებულებებისა და ცოდნის შეფასება საქართველოში“კვლევის ანგარიში დღეს წარმოადგინა.
კვლევის ანგარიშის მიხედვით, 2013 წლის შემდეგ აღნიშნულ საკითხთან დამოკიდებულებაში უმნიშვნელო ცვლილებებია
თუ ქალი შვილს გააჩენს ქორწინების გარეშე: 2013 წელს ქართულენოვანი მოსახლეობის 56% და ეთნიკური უმცირესობების წარმომადგენელთა 83% პასუხობდა, რომ ეს არასდროსაა გამართლებული.
გამოკითხვას ევროპის ფონდი 2009 წლიდან, ყოველ ორ წელიწადში ერთხელ ატარებს. კვლევა წარმომადგენლობითია ქვეყნის მასშტაბით (ოკუპირებული ტერიტორიების გარდა) და მაქსიმალურად იდენტური კითხვარის გამოყენებით ტარდება.
წელს, კვლევის ფარგლებში, საქართველოს 2,746 მოქალაქე გამოიკითხა. გამოკითხვა ჩაატარაCRRC საქართველომ, ევროპის ფონდის დაკვეთით, შვედეთის საერთაშორისო განვითარებისა და თანამშრომლობის სააგენტოსა(Sida) და დანიის საერთაშორისო განვითარების სააგენტოს(Danida) მხარდაჭერით.
