ამერიკელმა ჯარისკაცმა საქართველოს საელჩოში ავღანეთში დაღუპული ქართველი ჯარისკაცის ხსოვნის პატივსაცემად ყვავილები და წერილი მიტანა. ინფორმაციას აშშ-ში საქართველოს საელჩო ავრცელებს.
„დღეს დილას გულისამაჩუყებელი ამანათი მივიღეთ. საელჩოში დაგვხვდა უცნობის მიერ გამოგზავნილი ყვავილები წერილით, რომელიც ავღანეთში “მტკიცე მხარდაჭერის' მისიაში 2015 წელს დაღუპული ქართველი ჯარისკაცის ვასილ ყულჯანიშვილის ხსოვნის პატივისცემას გამოხატავს. "ყველა ჩვენგანისაგან აშშ-ის შეიარაღებულ ძალებში ვინც მუშაობდა ქართველ ჯარისკაცებთან ერთად, და ყველა იმათგან, ვინც იბრძოდა შენთან ერთად. შენი მსხვერპლი არ არის დაკარგული და არც დავიწყებული", - ვკითხულობთ წერილში რომელიც ხელმოწერილია "ყველა ჩვენ".“, - ნათქვამია საელჩოს მიერ გავრცელებულ ინფორმაციაში.
