ე.წ. სამხრეთ ოსეთში ე.წ. სამხრეთ ოსეთის რესპუბლიკის დაარსების 20 წლისთავისადმი მიძღვნილ ღონისძიებებში მონაწილეობას კაზაკებიც მიიღებენ. ე.წ. სამხრეთ ოსეთის ბეჭდვისა და ინფორმაციის კომიტეტის ინფორმაციით, ორენბურგელი კაზაკები ამ ღონისძიებაზე თავად ოსმა სეპარატისტებმა დაპატიჟეს.
"ორენბურგელი კაზაკების გარდა, ამ ღონისძიებაზე ეკატერინბურგელი კაზაკებიც ჩამოვლენ. ეს ჩვენსა და კაზაკებს შორის მეგობრული ურთიერთობების გამყარებას შეუწყობს ხელს", _ აცხადებს ოს სეპარატისტთა ლიდერის ე.წ. რწმუნებული ადამიანის უფლებების დაცვის საკითხებში დავიდ სანაკოევი.
