ჯერედ ლეტო 47 წლის გახდა. ცნობილი ამერიკელი მუსიკოსი, კომპოზიტორი, მომღერალი, პროდიუსერი, მსახიობი, რეჟისორი და პერიოდულად მოდელი ჯარედ ჯოზეფ ლეტო 1971 წლის 26 დეკემბერს დაიბადა. ლეტო გამოჩნდა ჰოლივუდის დიდი ბიუჯეტის მქონე ფილმებში, რამაც უფრო მეტად ცნობილი გახადა. მან ითამაშა 1994 წლის 19 სერიიან დრამაში - „ჩემი ეგრეთ წოდებული ცხოვრება“. კინოში მისი დებიუტი შედგა 1995 წელს ფილმში „როგორ გავაკეთოთ ამერიკული საბანი“, რის შემდეგაც ითამაშა 1997 წელს ფილმში „პრეფონტეინი“, სადაც მისმა თამაშმა დიდი მოწონება დაიმსახურა, როგორც ხალხისგან, ისე კინოკრიტიკოსებისგან. სხვადასხვა კინოჯილდოს შორის 2014 წელს მიღებული აქვს ოსკარი საუკეთესო მსახიობი კაცისთვის მეორეხარისხოვან როლში ფილმში „დალასის შემსყიდველთა კლუბი“.
ლეტო ამერიკული როკ-ჯგუფის, 30 Seconds to Mars-ის მთავარი ვოკალისტი, ინსტრუმენტალისტი და სიმღერების ავტორია. ჯგუფი ჩამოყალიბდა 1998 წელს ლოს-ანჯელესში, კალიფორნიაში, რომლის შექმნაშიც დიდი წვლილი ჯარედ ლეტოსა და მის ძმას, შენონ ლეტოს მიუძღვით. ბენდმა მსოფლიო მასშტაბით დიდებას მეორე ალბომის A Beautiful Lie გამოშვებისას მიაღწია.
