საქართველოს მესამე პრეზიდენტი 51 წლის გახდა. მიხეილ სააკაშვილი 1967 წლის 21 დეკემბერს დაიბადა.სააკაშვილი საქართველოს პრეზიდენტის პოსტს 2004 წლის 25 იანვრიდან 2007 წლის 25 ნოემბრამდე, ხოლო შემდგომ 2008 წლის 20 იანვრიდან 2013 წლის 17 ნოემბრამდე იკავებდა. ის არის პოლიტიკური პარტია „ერთიანი ნაციონალური მოძრაობის“ დამფუძნებელი და "ვარდების რევოლუციის" ერთ-ერთი წინამძღოლი.
ის იყო ასევე ყველაზე ახალგაზრდა სახელმწიფო მეთაური ევროპაში (პრეზიდენტის მოვალეობას შეუდგა 36 წლის ასაკში).
2015 წლის 13 თებერვლიდან მიხეილ სააკაშვილი იკავებდა უკრაინის რეფორმების საერთაშორისო მრჩეველთა საბჭოს ხელმძღვანელის პოსტს. 2015-2016 წლებში იყო ოდესის ოლქის გუბერნატორი. შემდგომ მიხეილ სააკაშვილი ოპოზიციაში გადავიდა და გარკვეული ვითარების გამო უკრაინის დატოვებაც მოუხდა. მას ჩამოართვეს ასევე უკრაინის მოქალაქეობა.
