28 სექტემბერს, 11:00 საათზე, ივანე ჯავახიშვილის სახელობის თბილისის სახელმწიფო უნივერსიტეტის ბიბლიოთეკის ორგანიზებით, გაიმართება აკადემიკოს მარიამ ლორთქიფანიძის სახელობის ქართველოლოგიური სამეცნიერო კითხვანი.
კითხვანში მონაწილეობას იღებენ უნივერსიტეტის პროფესორები, მაგისტრატურისა და დოქტორანტურის საფეხურის სტუდენტები, სამეცნიერო კვლევითი დაწესებულების მკვლევრები და თანამშრომლები.
კითხვანის მიზანია, ხელი შეუწყოს ქართველოლოგიური კვლევების განვითარებას, კვლევების შედეგად მიღებული სამეცნიერო სიახლეების პოპულარიზაციას.
უნივერსიტეტის რექტორის ბრძანებით, თსუ პირველ სასწავლო კორპუსში 321-ე აუდიტორიას მიენიჭება ცნობილი ქართველი მეცნიერის მარიამ ლორთქიფანიძის სახელი. აღსანიშნავია, რომ ისტორიკოსის ხსნოვნისადმი მიძღვნილი კითხვანი წელს პირველად ტარდება და ტრადიციულად ყოველ წელს გაიმართება.
მისამართი: ი. ჭავჭავაძის გამზ. #1, თსუ, I კორპუსი, №321 აუდიტორია.
