„მე კიდევაც დავბრუნდი და ხვალ კიდევაც პრეზიდენტი ვიქნები ... მოვდივარ ქაჯების დასათხოვნად“, - ამის შესახებ განცხადება სალომე ზურაბიშვილმა ქუთაისში გამართულ შეხვედრაზე გააკეთა.
„მოვდივარ თქვენს წინაშე ისეთი როგორიც ვარ. მე არაფრის სხვანაირს არ ვთამაშობ. მე მოვდივარ ჩემი წარსულით, ჩემი მტკიცე პრინციპებით. ზოგჯერ ზოგიერთები ფიქრობენ, რომ ცოტა ნამეტანად მტკიცე. ჩემი ხასიათით ვის მოწონს და ვის არა. ჩემი შეცდომებით თუ წარმატებებით და ჩემი გავლილი გზით. მოვდივარ ასევე ჩემი ქართული ენით რომელიც ზოგისთვის თურმე დასაწუნი არის რასაც არ აქვს ძალიან დიდი მნიშვნელობა. ცხადია მე არ გამივლია სკოლა, უნივერსიტეტი და მთელი ეს საფეხურები საქართველოში და როგორიც არის ისეთი არის თუმცა მე ჩემს თავზე ძალიან ბევრი ვიმუშავე. მე მინდა აქედან მივმართო იმ ახალგარზდებს რომლებიც დრეს არიან საზღვარგარეთ. თქვენ ისწავლეთ ქართული არ დაივიწყოთ და როგორი ქართულითაც დაბრუნდებით დაბრუნდით. იმიტომ რომ ჩემი მაგალითიო სწორედ ეს არის. რომ მე კიდევაც დავბრუნდი და ხვალ კიდევაც პრეზიდენტი ვიქნები,”-განაცხადა სალომე ზურაბიშვილმა.
სალომე ზურაბიშვილის გამოჩენას ქუთაისში ხმაური მოყვა. ამომრჩევლის ნაწილმა საქართველოს ოკუპაციის თაობაზე მისი განცხადებები გააპროტესტა, რის გამოც მას დარბაზში შესვლა უკანა კარიდან მოუწია.
