უკრაინის ავიაბაზარზე ყველაზე პუნქტუალური ავიაკომპანიების ათეულში ქართული ავიაგადამზიდავიც მოხვდა. უკრაინის ინფრასტრუქტურის მინისტრის ვოლოდიმირ ომელიანის მიერ გამოქვეყნებული ინფორმაციის მიხედვით, აგვისტოს განმავლობაში ქართულმა ავიაკომპანია Georgian Airways-მა განხორციელებული ავიარეისების 90.9%-ი დროულად განახორციელა.
ომელიანის მიერ გამოქვეყნებული პუნქტუალური ავიაკომპანიების ჩამონათვალში მოხვდა ასევე, ქართული ავიაკომპანია Myway Airlines-იც, რომელმაც აგვისტოში უკრაინის მიმართულებით განხორციელებული რეისების 83.3%-ი პუნქტუალურად შეასრულა.
უნდა აღინიშნოს, რომ გამოქვეყნებულ რეიტინგში ქართული ავიაკომპანიების შემდეგ ბევრი ცნობილი ევროპული ავიაგადამზიდავი მოდის.
