იტალიის ქალაქ კოზენცაში ქუთაისელმა მხატვრებმა საერთაშორისო პლენერში "Bocs Art" მიიღეს მონაწილეობა. გამოფენაზე ქუთაისის მერის გიორგი ჭიღვარიას პორტრეტიც გამოიფინა. დასკვნით გამოფენაზე კი იტალიის მხარის მიწვევით ქუთაისის მერი გიორგი ჭიღვარიაც იყო ჩასული. ინფორმაციას "ქუთაისი პოსტი" ავრცელებს.
დახურვას ქუთაისის მერი გიორგი ჭიღვარია და ვიცე-მერებიც დაესწრნენ. გამოიფინა კოზენცას მერის პორტრეტიც. ისინი ვორქშოპის ფარგლებში ქუთაისელმა მხატვარმა ლევან გოგიტაძემ დახატა.
ვორქშოფი კოზენცას მერიის პროექტის ფარგლებში განხორციელდა, ქუთაისის მერიის მხარდაჭერით.
