შავი ზღვის სანაპიროზე დღეს, 8 სექტემბერს, მოსალოდნელია 3-ბალიანი შტორმი. ამის შესახებ საზოგადოებას საგანგებო სიტუაციების მართვის სამსახური აფრთხილებს.
"ტალღების სიმაღლე პერიოდულად, 3 მეტრს მიაღწევს. ზღვაზე გამოცხადებულია საშტორმო მდგომარეობა! შავ ზღვაში ბანაობა აკრძალულია!
ზღვის სანაპიროზე, ყველა სამაშველო კოშკურაზე აღმართულია წითელი ალამი.
კოშკურებზე თეთრი ალმის აღმართვის შემთხვევაში ზღვაში ბანაობა ნებადართული იქნება; ყურადღება მიაქციეთ ამკრძალავ ნიშნებს.
გთხოვთ, დაემორჩილოთ მაშველების რეკომენდაციებს. აკრძალვა მოქმედებს 9 სექტემბრის 10:00 საათამდე", - აცხადებენ საგანგებო სიტუაციების მართვის სამსახურში.
