„ღვინო, დუდუკი, საბჭოთა კავიშირი“, „რუსეთი ოკუპანტია, რუსეთი კლავს“, „ვოვა, წადი სახლში!“ - თბილისში, სასტუმრო „ვერე პალასთან“ აქტივისტები აქციას მართავენ.
აქტივისტები რუსეთის წარმომადგენლების მონაწილეობით მედიაფორუმის საქართველოში გამართვას აპროტესტებენ. ისინი მიიჩნევენ, რომ ღონისძიება რუსული პროპაგანდის გატარებას ემსახურება.
სამოქალაქო მოძრაობის „რუსეთი ოკუპანტია“ წარმომადგენლები ადგილზე თეატრალიზებულ პერფორმანსს მართავენ, რომელიც მათი თქმით, არის ხელისუფლების გაშარჟებული გამოხატულება, თუ როგორ ხვდება პუტინის პოლიტიკის გამტარებელ ხალხს.
ცნობისთვის, დელეგაციის სამი წევრი, ოკუპაციის შესახებ კანონის დარღვევის გამო, საქართველოში გუშინ არ შემოუშვეს.
