ხაშურში, სოფელ ცედანში ხანძრის სალიკვიდაციო სამუშაოები მიმდინარეობს. მეხანძრე-მაშველები ცალკეულ კერებს ამუშავებენ.
ადგილზე რჩება 220 მეხანძრე-მაშველი და 17 სახანძრო-სამაშველო მანქანა. მათ შორის ურთულეს რელიეფზე მუშაობს ტყის სახანძრო სპეცტექნიკა.
საგანგებო სიტუაციების მართვის სამსახურის ინფორმაციით, ყველა შესაბამისი უწყება კოორდინირებულ რეჟიმში მუშაობს საგანგებო შტაბში
მუდმივად ხდება ტყის მასივის მონიტორინგი დრონის საშუალებით
ამ დროისთვის, აღარ არსებობს ხანძრის ღია კერები. ცეცხლის გავრცელების საფრთხე მოხსნილია. ბოლო მონაცემებით, დამწვარია 10 ჰა-მდე ტერიტორია.
