2018 წლის პირველი ოქტომბრიდან თბილისში, ნებართვის გარეშე ტაქსით მომსახურება აკრძალულია. ტაქსით მომსახურების ნებართვების მიღება 21 აგვისტოდან, თბილისის იუსტიციის სახლშიც იქნება შესაძლებელი.
აღნიშნულის შესახებ განცხადება დღეს, იუსტიციის სახლის აღმასრულებელმა დირექტორმა გივი აზაურაშვილმა გააკეთა. მისი განცხადებით, თბილისის იუსტიციის სახლის მომხმარებელი მათთვის საჭირო და მოთხოვნად მომსახურებას კომფორტულ გარემოში მიიღებს.
ნებართვის მისაღებად აუცილებელია ელექტრონული ხელმოწერის განხორციელება.
ნებართვის მიღება შესაძლებელია, როგორც მძღოლის საკუთრებაში, ასევე, მესამე პირის, მათ შორის იურიდიული პირის საკუთრებაში მყოფ ავტოსატრანსპორტო საშუალებებზე.
2018 წლის 1 ოქტომბრამდე მიღებული ნებართვა მოქმედი იქნება 2019 წლის 1 ოქტომბრამდე
