ფრაქცია „ნაციონალური მოძრაობის“ თავმჯდომარის, გია აბულაძის განცხადებით, „ნაციონალურ მოძრაობას“ არ აქვს მოლოდინი, რომ მარგველაშვილი აჭარის მთავრობის თავმჯდომარის პოსტზე „ქართული ოცნების“ კანდიდატის, თორნიკე რიჟვაძის წინააღმდეგ წავა.
მისი თქმით, გამოცდილება გვკარნახობს, რომ პრეზიდენტი იმისგან განსხვავებულად არ მოიქცევა, როგორც ხაბაძის და პატარაძის შემთხვევაში მოიქცა.
„დავაფიქსირეთ ჩვენი პოზიცია, რომ არ არის ნორმალური პროცესი, როცა ყველაფერს წყვეტს ერთი ადამიანი. ჩვენ ვერ დავუჭერთ მხარს კანდიდატს, რომელიც ანგარიშვალდებულია მხოლოდ ივანიშვილის წინაშე. პრეზიდენტის პოზიციას რაც შეეხება, მისთვისაც გაუგებარია ბოლო დროს განვითარებული მოვლენები, ჩვენს კანდიდატთან დაკავშირებით პრეზიდენტთან კონსულტაციების გაგრძელებას არ გამოვრიცხავ, თუმცა გამოცდილება გვკარნახობს, რომ პრეზიდენტი იმისგან განსხვავებულად არ მოიქცევა, როგორც ხაბაძის და პატარაძის შემთხვევაში მოიქცა”, - განაცხადა გია აბულაძემ.