ნებისმიერ შავ პიარს გავუძლებ თქვენთან ერთად ეგ იცოდეთ, – ასე მიმართა პარლამენტის თავდაცვისა და უშიშროების კომიტეტის თავმჯდომარე ირაკლი სესიაშვილმა იუსტიციის მინისტრობის კანდიდატ თეა წულუკიანს გაერთიანებული კომიტეტების სხდომაზე, სადაც მინისტრობის კანდიდატებს უსმენენ.
მისი თქმით, მისთვის წულუკიანი გამორჩეული მინისტრია.
„ქალბატონო თეა, გულწრფელად გეტყვით, თქვენ ჩემთვის ხართ გამორჩეული მინისტრი, თქვენთან ერთად ჩვენ ბევრი ბრძოლა გვაქვს გავლილი, ჩემთვის ხართ ყველაზე პრინციპული, ჩემთვის ხართ ერთ-ერთი გამორჩეული პროფესიონალი და ნებისმიერ შავ პიარს გავუძლებ თქვენთან ერთად ეგ იცოდეთ. ასე რომ ჩემი სრული მხარდაჭერა გაქვთ”, – განაცხადა ირაკლი სესიაშვილმა.
