ნატოს გენერალურმა მდივანმა იენს სტოლტენბერგმა განაცხადა, რომ არ შეუძლია დაასახელოს მიახლოებითი ვადები საქართველოს ალიანსში გაწევრიანებასთან დაკავშირებით.
"ნატო-ს სამიტზე გაცხადდება, რომ ალიანსი გააგრძელებს საქართველოს მხარდაჭერას და გამოხატავს მადლიერებას მისი წვლილის გამო ავღანეთის მისიებში. ჩვენ არ შეგვიძლია დავასახელოთ არანაირი ვადები მისი ალიანსში გაწევრიანების შესახებ“ - განუცხადა სტოლტენბერგმა ჟურნალისტებს ბრიუსელში 11-12 ივლისს დაგეგმილი სამიტის წინ.
