ესპანეთის ხელისუფლების ყოფილმა წარმომადგენელმა მარიანო რახოიმ განაცხადა, რომ მიდის სახალხო პარტიის თავმჯდომარის თანამდებობიდან.
„დადგა დრო დავსვა წერტილი. სახალხო პარტიამ უნდა გააგრძელოს წინ სვლა და შექმნას თავისი ისტორია ესპანელების საკეთილდღეოდ სხვა ადამიანის ხელმძღვანელობით. ეს უკეთესი გადაწყვეტილებაა პარტიისთვის და ჩემთვისაც. ვფიქრობ ესპანეთისთვისაც. სხვა ყველაფერი უმნიშვნელოა“ - განაცხადა რახოიმ ეროვნული პარტიის საშემსრულებლო კომიტეტის სხდომის შემდეგ.
მან ასევე შეახსენა მსმენელებს, რომ ის ხელმძღვანელობდა პარტიას 14 წლის მანძილზე, რომელსაც მისი ცხოვრების საუკეთესო წლები უწოდა და დასძინა, რომ ის „რჩება“ პარტიაში, რადგან „ვერ წარმოუდგენია ცხოვრება მის გარეშე“.
ყოფილმა პრემიერმა განაცხადა, რომ ეროვნული პარტია ჩაატარებს სხდომას, რომელზეც არჩეული იქნება ახალი ლიდერი.
შეგახსენებთ, რომ ესპანეთის დეპუტატთა კონგრესმა (პარლამენტის ქვედა პალატა) უნდობლობა გამოუცხადა მარიანო რახოის ეროვნული პარტიის ხელისუფლებას და ქვეყნის ახალი პრემიერ-მინისტრი გახდა ესპანეთის სოციალისტური მუშათა პარტის ხელმძღვანელი პედრო სანჩესი.
