მინიმუმ 180 პატიმარი გაიქცა ნიგერიის ქალაქ მინას ციხიდან. იუწყება ადგილობრივი გაზეთი Daily Post-ი ქვეყნის შინაგან საქმეთა სამინისტროს ინფორმაციაზე დაყრდნობით.
გაზეთის ინფორმაციით 30 გაქცეული პატიმრის პოვნა უკვე მოხერხდა და ისინი ციხეში დააბრუნეს.
ნიგერიის შტატის გუბერნატორმა განაცხადა, რომ ქვეყნის ხელისუფლება ითანამშრომლებს ფედერალურ უწყებებთან ციხეებში რეფორმების საკითხის გასატარებლად, რათა გაუმჯობესდეს ციხის ინფრასტრუქტურა მთელი შტატის ფარგლებში.
ამ ეტაპზე ხელისუფლება იძიებს ვითარებას და მიზეზებს პატიმრების გაქცევის საკითხთან დაკავშირებით.
