საპარლამენტო უმრავლესობა ნარკოტიკული საშუალებების დეკრიმინალიზაციაზე შეთანხმდა.
საუბარია ყველა სახის ნარკოტიკზე, რომელზეც პატიმრობა უნდა გაუქმდეს, მაგრამ არ არის დაზუსტებული ვადა, ეს კანონი როდის შევა ძალაში.
როგორც კანონპროექტის ავტორმა პარლამენტის ჯანდაცვის კომიტეტის თავმჯდომარემ აკაკი ზოიძემ დღეს ჟურნალისტებთან დანაცხადა, შესაძლოა ეს ნორმა ძალაში ორი წლის შემდეგ შევიდეს და კანონში ამასთან დაკავშირებით კონკრეტული დათქმა გაკეთდეს. გარდა ამისა, არ არის მიღებული გადაწყვეტილება ნარკოტიკული საშუალებების დოზებთან დაკავშირებით. თუ რა შემთხვევაში ჩაითვლება პირი მომხმარებლად და არა გამსაღებლად.
შეგახსენებთ რომ ახალი ინიციატივა ნორკოტიკების მოხმარებაზე დეკრიმინალიზაციას და გასაღებაზე სასჯელის გამკაცრებას ითვალისწინებს. მიუხედავად იმისა, რომ პროექტი ჯერ კიდევ შარშან მომზადდა, ცალკეულ საკითხებზე შეთანხმება დღემდე ვერ ხერხდებოდა. შეთანხმებისათვის განსაზღვრული ბოლო ერთ თვიანი ვადა 7 ივნისს იწურება. შესაბამისად პარლამენტმა უნდა გააგრძელოს ამ კანონპროექტის განხილვა. იურიდიულ საკითხთა კომიტეტის სხდომაზე დღეს სწორედ ამ პროექტთან დაკავშირებით იმსჯელებენ, სადაც უკვე ზემოთ აღნიშნული ცვლილებებია შეტანილი.
