ხორავას ქუჩაზე მოკლული არასრულწლოვნის მამა, ზაზა სარალიძე აცხადებს, რომ ხვალ, 4 ივნისს, 14:00 საათისთვის საქართველოს პრემიერ-მინისტრთან შეხვედრას გეგმავს.
ამის შესახებ სარალიძემ რუსთაველის გამზირზე მიმდინარე აქციაზე გააკეთა, რის შემდეგაც აქცია დატოვა.
„ხვალ, 14:00 საათზე მივდივარ პრემიერ-მინისტრთან შესახვედრად. ყველა პოლიტიკოსთან, საზოგადოებრივ მოღვაწეებთან და ელიტის წარმომადგენლებთან ერთად. დანარჩენ დეტალებს ჩემი მეგობრები გაგაცნობენ. ბოდიშს გიხდით, მეუღლე მართლა ძალიან ცუდად მყავს. ძალიან დიდ ბოდიშს გიხდით. უნდა დავბრუნდე სახლში და ხვალ თქვენთან ვარ“, – განაცხადა ზაზა სარალიძემ.
