ხვალიდან საპარლამენტო უმრავლესობა ოპოზიციის წევრებთან კონსულტაციებს გამართავს - განაცხადა საქართველოს პარლამენტის თავმჯდომარემ ირაკლი კობახიძემ „ქართული ოცნების“ ცენტრალურ ოფისში გამართული პოლიტსაბჭოს სხდომის დასრულების შემდეგ.
მისი თქმით, შეხვედრაზე მხარეები კომისიის შემადგენლობის საკითხზე პოზიციებს შეაჯერებენ.
„ჩვენ ვისაუბრეთ ამ კომისიის ფორმირების პრინციპებზე. მათ შორის ვისაუბრეთ ჩვენი მხრიდან სავარაუდო შემადგენლობაზე, რომელიც იქნება წარმოდგენილი კომისიაში და საბოლოოდ ჩამოყალიბდება კომისიის შემადგენლობა მასშემდეგ, რაც გავივლით კონსულტაციებს ოპოზიციასთან“,-განაცხადა ირაკლი კობახიძემ.
