მესტიის მუნიციპალიტეტის სოფელ ლატალში მომხდარ მკვლელობასთან დაკავშირებით ახალი დეტალები ხდება ცნობილი.
როგორც ირკვევა, მკვლელობას წინ ურთიერთშელაპარაკება უძღოდა. 24 წლის ადგილობრივმა მამაკაცმა ურთიერთშელაპარაკებისას ორ თანასოფლელ ახალგაზრდა მამაკაცს ცივი იარაღით ჭრილობები მიაყენა.
ერთ-ერთი დაჭრილი 23 წლის მამაკაცი მიყენებული ჭრილობებისგან გარდაიცვალა.
რაც შეეხება მეორეს - მისი ჯანმრთელობის მდგომარეობა ამ დრომდე მძიმეა და ის მესტიის საავადმყოფოში მკურნალობას გადის.
მომხდარ მკვლელობაში ბრალდებული სამართალდამცველებს უკვე ჩაბარდა.
შინაგან საქმეთა სამინისტროს ინფორმაციით, მომხდარზე გამოძიება სსკ-ის 108-ე მუხლით მიმდინარეობს, რაც განზრახ მკვლელობას გულისხმობს.
