ხვალ, 3 ივნისს, 09:00 საათზე, ტექნოპარკში (ოქროყანა, ინოვაციების ქ. 1), საქართველოს პირველი ვიცე პრემიერი, ეკონომიკისა და მდგრადი განვითარების მინისტრი დიმიტრი ქუმსიშვილი ინტერნეტმმართველობისადმი მიძღვნილ ახალგაზრდულ ფორუმს YouthDIG 2018-ს გახსნის, რომელიც „ინტერნეტმმართველობის საკითხებზე ევროპული დიალოგის EuroDIG 2018 -ის“ ფარგლებში იმართება.
ღონისძიებაში მონაწილეობას მიიღებენ ახალგაზრდა დელეგატები ევროპის 20-ზე მეტი ქვეყნიდან. ფორუმის მონაწილეები განიხილავენ და გამართავენ დისკუსიებს ინტერნეტმმართველობის ძირითად საკითხებზე. ფორუმში ასევე მონაწილეობენ ქართული სტარტაპები - Influence Georgia, WIFISHER, Phage Nutraceuticals, QuickCash.
YouthDIG 2018-ის მასპინძელია საქართველოს ეკონომიკისა და მდგრადი განვითარების სამინისტროს ინოვაციების და ტექნოლოგიების სააგენტო.
