დავით დადუნაშვილს თვითონ ჰქონდა სურვილი, რომ შეხვედროდა შინაგან საქმეთა მინისტრს და მიეღო პასუხები იმ კითხვებზე, რაც ბოლო დროს განვითარებული მოვლენების შემდეგ გაუჩნდა, - განაცხადა შს მინისტრთან შევხედრის შემდეგ, ლევან დადუნაშვილის ოჯახის ადვოკატმა, ხათუნა მაღლაკელიძემ.
როგორც ის განმარტავს, დავით დადუნაშვილი სარალიძეს სოლიდარობას უცხადებს.
"როგორც გვითხრეს, ამ საქმეების გამოძიება გაერთიანდება. გადაიკითხებიან მოწმეები, რომლებიც იყვნენ შემთხვევის თვითმხილველები და უახლოეს პერიოდში რაღაც გარკვეულ შედეგებს უნდა ველოდეთ. მართალია ლევან დადუნაშვილის ნაწილში განაჩენი დადგა და მსჯავრდებული გამოვლენილია, თუმცა, დავით დადუნაშვილის სურვილია თანადგომა გამოუცხადოს ზაზა სარალიძეს და მისი შვილის მკვლელების გამოვლენის მიზნით იგივე მოქმედებები განახორციელოს, რასაც განახორციელებდა თავისი შვილის მკვლელის დასადგენად“, - განაცხადა მაღლაკელიძემ.
