პენტაგონის ხელმძღვანელმა ჯეიმს მეტისმა სინგაპურში სიტყვით გამოსვლისას განაცხადა, რომ აშშ რუსეთთან და ჩინეთთან არა კონკურენციას, არამედ თანამშრომლობას და წინააღმდეგობების დაძლევაში ერთად მუშაობას ცდილობს.
მან გამოხატა მოსაზრება, რომ რუსეთს უფრო მეტი აქვს საერთო დასავლეთთან და აშშ-სთან, ვიდრე ჩინეთს.
ხოლო ჩინეთს, თავის მხრივ, უფრო მეტი საერთო აქვს წყნარი ოკეანის ერებთან, აშშ-სთან და ინდოეთთან, ვიდრე რუსეთთან. რაც მიუთითებს „ინტერესების ბუნებრივ შეუთავსებლობაზე“ - აღნიშნა პენტაგონის ხელმძღვანელმა.
მეტისი მიიჩნევს, რომ მოსკოვს და პეკინს შეუძლიათ მოძებნონ საერთო, მხოლოდ მაშინ „როცა მათ უნდათ ერთმანეთს დაუპირისპირდნენ საერთაშორისო სასამართლოში ან კუნთები ათამაშონ საზოგადეობაში. არ არის საჭირო მთელი მსოფლიოს გზის საპირისპიროდ სვლა“- განაცხადა მან.
