ორი უცხოელი მთამსვლელი დაიღუპა, ნეპალში ევერესტის დაპყრობისას. წერს ადგილობრივი გაზეთი „Himalayan Times“.
ბანაკის წარმომადგენელი აცხადებს, რომ გარდაცვლილია ორი მთამსვლელი - 36 წლის ნობუკაძუ კურიკი, იაპონიიდან და 63 წლის გეორგი პეტკოვი, მაკედონიიდან. მათი სხეულები იქნა ნაპოვნი მოსამზადებელ სადგომში.
მაკედონელი მთამსვლელი გარდაცვლილია გულის შეტევით, ხოლო მისი კოლეგის გარდაცვალების მიზეზები ჯერ კიდევ დგინდება.
კურიკისთვის ევერესტის დაპყრობის მცდელობა პირველი არ იყო. თუმცა, ყოველთვის უშედეგოდ. 2012 წელს როცა პირველად გადაწყვიტა ასულიყო ევერესტზე, დაკარგა 9 თითი მოყინვის შედეგად. ნათქვამია გაზეთში.
ცნობისთვის, მწვერვალი ევერესტი ჰიმალაიში მდებარეობს და პლანეტის ყველაზე უმაღლეს წერტილად მიიჩნევა. მისი სიმაღლე ზღვის დონიდან 8 848 მეტრია.
