სამოქალაქო ავიაციის სააგენტოს ვებ-გვერდი (www.gcaa.ge) მომხმარებლებისთვის უკვე ხელმისაწვდომია. როგორც ცნობილია, სამოქალაქო ავიაციის სააგენტოს სერვერზე 2 მაისს განხორციელდა კიბერ შეტევა. უწყების ინფორმაციით, ამ ფაქტს უწყების საქმიანობის შეფერხება არ გამოუწვევია. ჩატარებული აღდგენითი სამუშაოების ფარგლებში, განხორციელდა სარეზერვო ფაილების ჩატვირთვა სისტემაში. აგრეთვე შაბათს დილიდან, შეუფერხებლად მუშაობს სააგენტოს ოფიციალური ვებ-გვერდი.
„მომხდარ ფაქტზე ოპერატიული რეაგირების შედეგად, მყისიერად განხორციელდა ოპერატორების, მათ შორის ავიასაწარმოების, ქართული და უცხოური ავიაკომპანიების, აეროპორტების და საშუამავლო კომპანიების ინფორმირება. სააგენტოს მიერ, ავიასაწარმოებზე ზედამხედველობა, საავიაციო ბაზარზე დაშვებასთან დაკავშირებული ნებართვების გაცემა და სხვა მომსახურებების გაწევა უწყვეტად და შეფერხების გარეშე მიმდინარეობს”, აცხადებენ საქართველოს ეკონომიკისა და მდგრადი განვითარების სამინისტროს სსიპ სამოქალაქო ავიაციის სააგენტოში.
