ტურიზმის დეპარტამენტის ახალი თავმჯდომარე მაია სიდამონიძე უწყებაში საკადრო რეორგანიზაციას არ გამორიცხავს. მისი თქმით, დეპარტამენტში რამოდენიმე ვაკანსია იქნება, თუმცა სიდამონიძე ძველი კადრების მაქსიმალურად გამოყენების წინაპირობასაც დებს.
"იქნება თუ არა საკადრო ცვლილებები ამას ადგილზე გავარკვევ. იქნება რამდენიმე ვაკანსია, თუმცა მაქსილაურად გამოვიყენებ ადგილობრივ კადრებსაც, რადგანაც ვიცი რომ დეპარტამენტში კვალიფიკაციური კადრებია და ვიცი რომ საბოლოო მიზნის მიღეწევაში დამეხმარებიან", _ განაცხადა სიდამონიძემ.
ტურიზმის დეპარტამენტში რომ სერიოზული საკადრო ცვლილებებია მოსალოდნელი ამას თავად ეკონომიკისა და მდგრადი განვითარების მინისტრიც ადასტურებს. ვერა ქობალიამ დეპარტამენტში სერიოზული საკადრო ცვლილებები მას შემდეგ გადაწყვიტა როდესაც გაუფრთხილებლად თავიდუფლების მოედანზე მდებარე ტურიზმის საინფორმაციო ცენტს ეწვია, თუმცა თანამშრომლები ბათუმში ჯაზ ფესტივალზე დახვდა წასული. რანმაც მინისტრის სერიოზული უკმაყოფილება გამოიწვია.