პოლიციის პოლკოვნიკ, დავით როსტომაშვილზე თავდასხმის საქმის პროკურორი, ბესიკ ქვარცხავა „ჯი-ეიჩ-ენთან“ აცხადებს, რომ აღნიშნულ საქმეზე ბრალდებულების დანაშაულებრივი ქმედება საქმეში არსებული მტკიცებულებებით და ვიდეოჩანაწერით დასტურდება. დღევანდელ პროცესზე ჩვენება ორმა ბრალდებულმა ბექა კირვალიძემ და ზურაბ ქუთელიამ მისცა.
„ბრალდებულთა ჩვენებებით დგინდება, რომ ისინი ჩადენილ დანაშაულს არ აღიარებენ. მათი ჩვენებები სასამართლო პროცესზე გამოკვლეულ მტკიცებულებებთან თანხვედრაში არ მოდის. ორივე ბრალდებულის ჩვენება ეწინააღმდეგება არა მხოლოდ მოცემული სისხლის სამართლის საქმეზე გამოკვლელულ მოწმეთა ჩვენებებს და გამოკვლელულ ნივთიერმტკიცებულებებს, არამედ გამოკვლეულ ვიდაოჩანაწერსაც.
ვიდეოჩანაწერით დასტურდება, რომ დაზარალებულ დავით როსტომაშვილზე განხორციელდა თავდასხმა, რომელშიც ორი პირი ბექა კირვალიძე და ზურაბ ქუთელია მონაწილეობდნენ. ბრალდებულ კირვალიძის ჩცვენებით კი დგინდება, რომ თავდახსმა მხოლოდ ერთმა პირმა განახორციელა. ეს აბსოლუტურად პირდაპირ ეწინააღმდეგება სასამართლოზე გამოკვლეულ ვიდეოჩანაწერს, სადაც ნათლად ჩანს 2017 წლის 14 ივნისს მომხდარი თავდასხმის ფაქტი. ბექა კირვალიძე წარდგენილ ბრალდებაში თავს დამნაშავედ ნაწილობრივ ცნობს. ის ადასტურებს, რომ დაზარალებულ დავით როსტომაშვილს თავს ნამდვილად დაესხა, მაგრამ მისი განმარტებით დავით როსტომაშვილის დაყაჩაღების განზრახვა არ ჰქონია. ვიმეორებ, ვიდეოჩანაწერში ნათლად ჩანს რომ დავით როსტომაშვილს თავს ორი პირი ესხმის. ბრალდებულ აგაჯამოვს კი ბრალად ედება ყაჩაღობრივი დანაშაულის დახმარება. განაცხადა „ჯი-ეიჩ-ენთან“ საუბრისას პროკურორმა ბესიკ ქვარცხავამ.
როგორც პროკურორი განმარტავს, სახელმწიფო ბრალდება სამივე პირისთვის წარდგენილი ბრალის დამტკიცებას შეძლებს.
შეგახსენებთ, რომ ბექა კირვალიძეს წარდენილი აქვს 179-ე მუხლის მე-2 ნაწილის "ბ" და მე-3 ნაწილის "ა" ქვეპუნქტები, 238-ე პრიმა მუხლის მეორე ნაწილით და 379-ე მუხლის პირველი ნაწილით. ითვალისწინებს თავისუფლების აღკვეთას რვიდან თორმეტ წლამდე. არტემ აგაჯანოვს წარდგენილი აქვს 25-179-ე მუხლის მეორე ნაწილის "ბ" ქვეპუნქტი , ითვალისწინებს ექვსიდან ცხრა წლამდე. ზურაბ ქუთელიას წარდგენილი აქვა 179-ე მუხლის მეორე ნაწილის "ბ" ქვეპუნქტი ითვალისწინებს ექვსიდან ცხრა წლამდე თავისუფლების აღკვეთას.