განათლების მინისტრის მოადგილის, თემურ მურღულიას განცხადებით, სკოლის მოსწავლეთა წიგნებთან დაკავშირებით ცვლილებები იგეგმება. კერძოდ, შეიცვლება ქაღალდის პარამეტრები, დიდი წიგნები დაიყოფა სექციებად, რაც ბავშვებს საშუალებას მისცემს, გაცილებით მსუბუქი წიგნები ატარონ.
მისივე თქმით, არის მოლოდინი რომ წიგნების ხარისხი გაცილებით უკეთესი იქნება.
„სწორედ იმიტომ, რომ ჩვენ გვჭირდებოდა გაცილებით უკეთესი წიგნები, შეიცვალა მთლიანად ეროვნული სასწავლო გეგმა, შეიცვალა წიგნების შეფასების კრიტერიუმები. ხარისხი, მოლოდინი არის, რომ იქნება შეუდარებლად უკეთესი. რაც შეეხება წონას, აქ ორი მიმართულებაა. ერთი – ეს არის ქაღალდის პარამეტრების შეცვლა, თუმცა იქაც ძალიან ბევრი ნიუანსია გასათვალისწინებელი, მეორე – დიდი წიგნები დაიყოფა სექციებად, რაც საშუალებას მოგვცემს, რომ ბავშვმა გაცილებით მსუბუქი წიგნი ატაროს“,- განაცხადა მურღულიამ.