დღეს, საქართველოს პარლამენტის ბიუროს სხდომა გაიმართება, სადაც ,,ევროპული საქართველო’’ მის მიერ მომზადებულ რეზოლუციის პროექტს წარადგენს. საპარლამენტო უმცირესობის წევრ გიორგი კანდელაკის განცხადებით, ოთხოზორია-ტატუნაშვილის სიის სახელით შექმნილი რეზოლუცია იმ ადამიანების გამოვლენასა და დასჯას ეხება, რომლებიც საქართველოს მოქალაქეების გატაცებასა და წამებაში იქნებიან ეჭვმიტანილნი.
„ ოთხოზორია-ტატუნაშვილის სიის შემუშავებას მხარი უკვე დაუჭირეს იმ ევროპარლამენტარებმა, რომლებმაც მაგნიტსკის სიაზე იმუშავეს. დღეს მნიშვნელოვანია კონკრეტული საერთაშორისო ნაბიჯების გადადგმა და ქართული ოცნება ამას არ აპირებს. ამ სიის შემუშავებაზე უარის თქმა იქნება საზიანო და უდიდესი შეცდომა საქართველოსთვის. ჩვენი ქვეყნის ნებისმიერ მტერს, რომელიც გაიტაცებს და აწამებს საქართველოს მოქალაქეებს, უნდა ესმოდეს რომ ისინი ვერ მოახერხებენ გაიხარონ ოკუპირებული ტერიტორიების მიღმა“, - განაცხადა საპარლამენტო უმცირესობის წევრმა გიორგი კანდელაკმა.
