"ევროპული საქართველოს" ხონისა და ვანის მაჟორიტარი დპუტატობის კანდიდატის გიგი უგულავას განცხადებით, „ენერგოპროს“ ვანის რაიონის უბნის მენეჯერი და "ქართული ოცნების" საკრებულოს დეპუტატი შალვა ლორთქიფანიძე ბელთაძეების ოჯახს მასთან ფოტოს გადაღების გამო ემუქრება.
როგორც უგულავამ ბრიფინგზე აღნიშნა, ლორთქიფანიძე ბელთაძეებს "ენერგო პრო ჯორჯიას" მრიცხველთან დაკავშირებული დარღვევის მიზეზით 300-ლარიანი ჯარიმით დაემუქრა.
“2 მარტს “ენერგოპროს” უბნის მენეჯერმა და ამავდროულად სოფელ დიხაშხოს ქართული ოცნების მაჟორიტარმა დეპუტატმა, შალვა ლორთქიფანიძემ ამავე სოფლის ვანის რაიონის მცხოვრებ მამა-შვილ თენგიზ და მირზა ბელთაძეებს აბსოლუტურად უკანონოდ, სამსახურეობრივი მოვალეობის ბოროტად გამოყენებით დაემუქრა და მიმართა შემდეგი სიტყვებით: „რით ვერ ისწავლეთ ჭკუა, სად უნდა დადგეთ ეგ თუ არ იცით 3000 ლარიან ჯარიმას გამოგიწერთ“ მირზა ბელთაძემ მოითხოვა რომ „ენრგოპროს“ ეს ინფორმაცია ოფიციალურად წერილობით მოეწერა, მათ აქვთ სამრეცხაო და ვინაიდან არც მას, არც სხვა მსგავსი ობიექტების მქონე ადამიანებს მსგავსი მოთხოვნა „ენერგოპროსგან“ არ მისვლიათ არც წერილობით და არც სიტყვიერად (მათშორის ამ ბატონის საშუალებით.) ამავედროს თვითონ ეს მრიცხველი რომელიც აყენია ამ სამრეცხაოში არის „ენერგოპროს“ დაყენებული.
ქართული ოცნება რა პოლიტიკური პარტია და ორგანიზაციაა სულ ბოლოს მოსახლეობამ ბორჯომშიც ნახა და მას ჩვენ პოლიტიკურად აუცილებლად გავუმკლავდებით, მაგრამ მე აქ საქმე მავს ჩეხურ კომპანიასთან „ენერგოპროსთან“ რომლის დამფუძნებლები ევროკავშირის მოქალაქეები არიან და თვითონ ეს კომპანია არის ევროკავშირში რეგისტრირებული. მე მათთან მაქვს საქმე. როდესაც მათი წარმომადგენელი, რაიონში მესამე თანამდებობის პირი თავს უფლებას აძლევს იმის მაგივრად, რომ დენი შეუფერხებლად და ყოველგვარი პოლიტიკური პრეფერენციების გარეშე მიაწოდოს მოსახლეობას, ბოროტად იყენებს ამ საერთო სიკეთეს და კომპანიაში თავის მდგომარეობას საკუთარი და ქართული ოცნების კეთილდღეობისთვის იყენებს. ენერგო კომპანიამ ჩემი აზრით უმწვავესი რეაქცია უნდა მისცეს ამ პრობლემას და პასუხი ვერ იქნება ის, რომ ეს მრიცხველი არ ვარგა. თუ მრიცხველი არ ვარგა კეთილი უნდა ინებოთ მეგობრებო წერილი უნდა მიწეროთ ყველა ანალოგიური მრიცხველის მქონე სუბიექტეს და არა ერთ ადამიანს რომელმაც ღიად, უბრალოდ ფოტოს გადაღებით გამოხატა თავისი პოლიტიკური კეთილგანწყობა არახელისუფლების მიმართ, ეს არის პატარა მაგალითი ჯერჯერობით თუ როგორ აპირებს ქართული ოცნება ჩაატაროს არჩევნები ვანსა და ხონსში. ჩვენ ვიქნებით სრულად მობილიზებული და არცერთი ადამიანის დაჩაგვრის უფლებას არ მივცემთ არც ქართულ ოცნებას და არც იმ კომპანიებს რომელთა საქმე საერთოდ არ არის პოლიტიკაში მონაწილეობა", - განაცხადა უგულავამ.
