1-ელი აპრილიდან სლოვენიის რესპუბლიკა იმ ავტოსატრანსპორტო საშუალებებიდან, რომელთა სრული დასაშვები მასა აღემატება 3,5 ტონას, საგზაო მოსაკრებელის ამოსაღებად ელექტრონულ სისტემა „DarsGo“-ს გამოიყენებს.
როგორც საქართველოს ეკონომიკისა და მდგრადი განვითარების სამინისტროს, სახმელეთო ტრანსპორტის სააგენტოს საიტზე განთავსებულ ინფორმაციაშია აღნიშნული, ის ავტოსატრანსპორტო საშუალებები, რომლებიც ხვდებიან ზემოთ აღნიშნულ კატეგორიაში ვალდებულები იქნებიან აღჭურვონ ავტომობილები „DarsGo“ ბლოკით, ვიდრე ქვეყნის ავტომაგისტრალურ ქსელში მოხვდებიან.
„აღსანიშნავია, რომ ახალი საგზაო საგადასახადო წესების დარღვევისთვის დაწესებული ჯარიმები საკმაოდ მაღალია და ის 800 ევროდან იწყება”, აცხადებენ უწყებაში.
დეტალური ინფორმაცია „DarsGo“ ბლოკის გამოყენებისა და „DarsGo“ სისტემის შესახებ შეგიძლიათ მიიღოთ შემდეგ საიტზე: https://www.darsgo.si/portal/en/home.
