ამ წუთებში მსჯავრდებული გიორგი მამალაძე სააპელაციო სასმართლოში საბოლოო სიტყვას წარმოთქვამს.
„100 ზე მეტი მოწმიდან არ არის არცერთი ვინც ჩემს დანაშაულს დაადასტურებს. თვით მთავარი მოწმეც ამბობს, რომ დარწმუნებული არ არის რომ მე ვინმეს მოკვლას ვაპირებდი. ეს არის 11 ტომი მაკულატურა. ბრალდებამ გენეტიკური და დაქტილოსკოპიური ექსპერტიზა არ ჩაატარა ციანიდის კონტეინერზე, რადგან მასზე ამოვიდოდა არა ჩემი, არამედ გამომძიებელთა კვალი. აეროპორტის ადმინისტრაციამ, არც საქალაქო და სააპელაციო სასამართლომ არ მისცა ჩემს ადვოკატებს ვიდეო ჩანაწერების ამოღების საშუალება, სადაც ასახული უნდა ყოფილიყო ჩემი დაკავება. ბრალდებას მტკიცებულებები არ გააჩნია და პოზიციას ჭორებზე აგებს. საზოგადოებრივი აზრის შექმნაზე დაიწყო ზრუნვა და სიმართლის დადგენა მათთვის არ იყო პრიორიტეტი“ - განაცხადა დეკანოზმა გიორგი მამალაძემ.
