სააპელაციო სასამართლო გამოიტანს ერთადერ კანონიერ გადაწყვეტილებას და გიორგი მამალაძეს ცნობს დამნაშავედ ანგარებით განზრახ მკვლელობის მომზადებაში, - ამის შესახებ "ციანიდის საქმის" პროკურორმა ზვიად გუბელაძემ თბილისის სააპელაციო სასამართლოში ჟურნალისტებს განუცხადა.
მისი თქმით, მათ არ აქვს მოლოდინი, რომ დეკანოზის მხარე რამე სიახლეს ან არგუმენტირებულს იტყვის.
"როგორც მოგეხსენებათ, დღევანდელ სასამართლო სხდომაზე დაცვის მხარე იტყვის თავის დასკვნით სიტყვას. სიმართლე გითხრათ, ბრალდების მხარეს არ აქვს მოლოდინი რომ ისინი რამე სიახლეს ან არგუმენტირებულს იტყვიან, მათი პოზიცია და არგუმენტები ჩვენთვის კარგად არის ცნობილი. მოგეხსენებათ, უსაფუძვლობის გამო მათი არგუმენტაცია პირველი ინსტანციის სასამართლომ საერთოდ არ გაიზიარა. მიგვაჩნია,რომ ჩვენს მიერ წარმოდგენილი დასკვნითი სიტყვით სრულყოფილად გავეცით ყველა შეკითხვას პასუხი და შესაბამისად, სააპელაციო სასამართლო გამოიტანს ერთადერ კანონიერ გადაწყვეტილებას და გიორგი მამალაძეს ცნობს დამნაშავედ ანგარებით განზრახ მკვლელობის მომზადებაში",- განაცხადა ზვიად გუბელაძემ.
ცნობისთვის, თბილისის სააპელაციო სასამართლოში გიორგი მამალაძის საქმის განხილვა დაიწყო. დეკანოზი დღეს სასამართლოზე საბოლოო სიტყვას წარმოთქვამს.
შეგახსენებთ, დეკანოზი გიორგი მამალაძე თბილისის საქალაქო სასამართლომ 5 სექტემბერს, პატრიარქის მდივან-რეფერენტის, შორენა თეთრუაშვილის განზრახ მკვლელობის მომზადებისთვის გაასამართლა.