თურქეთში ტერორიზმის პროპაგანდის ბრალდებით 311 ადამიანი დააკავეს. ამის შესახებ გამოცემა „ჰურიეთი“ იტყობინება. როგორც ბრალდების მხარე აცხადებს, დაკავებულები აფრინში მიმდინარე სამხედრო ოპერაციას სოციალურ ქსელებში აკრიტიკებდნენ. ერთ-ერთ დაკავებულს ტერორისტული აქტის მომზადებაშიც ედება ბრალი. თურქეთმა სირიის ქალაქ აფრინში ქურთული დაჯგუფებების წინააღმდეგ ოპერაცია 2 კვირის წინ დაიწყო.
