საქართველოს მესამე პრეზიდენტი აცხადებს, რომ პოროშენკო მას პირველი ვიცე-პრემიერისა და ელჩის პოსტებს სთავაზობდა. საგანგებო განცხადება მიხეილ სააკაშვილმა უმაღლეს სასამართლოში გააკეთა.
„მე ჩამოვედი უკრაინაში სასწავლებლად, როდესაც ძალიან ახალგაზრდა ვიყავი, ჩავაბარე კიევის უნივერსიტეტში, ვისწავლე 5 წელი და წითელ დიპლომზე დავამთავრე. ასევე, ვიმსახურე ჯარში უკრაინის ტერიტორიაზე. შემდეგ გავემგზავრე აშშ-ში სასწავლებლად, მაგრამ უკრაინაში ხშირად ჩამოვდიოდი. როდესაც საქართველოში ვარდების რევოლუციის ლიდერი გავხდი, მაიდნის ლიდერებთან ერთად ვამზადებდი რევოლუციას უკრაინაში. შემდეგ, საქართველოს პრეზიდენტად მუშაობის პერიოდში აქტიურ მხარდაჭერას ვუწევდი უკრაინულ რევოლუციას და ყველაფერს ვაკეთებდი ორ ქვეყანას შორის ურთიერთობის გასაღრმავებლად. მერე იყო მეორე მაიდანი. მე საქართველოს პრეზიდენტი აღარ ვიყავი. იანუკოვიჩის გაქცევის შემდეგ დაუყოვნებლივ ჩამოვედი აშშ-დან, შემდეგ ჩამოვიყვანე დიდი დელეგაცია კიევში, დავითანხმე სენატორი მაკკეინი კიევში ვიზიტზე, წავიყვანე პოროშენკონ და სხვა ლიდერები მიუნჰენში საერთაშორისო მხარდაჭერის მოსაპოვებლად, ჩამოვიყვანე კვალიფიციური კადრები საქართველოდან. მე და პოროშენკო ერთად ვიბრძოდით. ცნობისათვის, ის პირველ ვიცე-პრემიერობას მთავაზობდა, რაზეც უარი ვთქვი. შემდეგ შევთავაზე ოდესის გუბერნატორის პოსტზე დამეწყო მუშაობა, რაზეც სიხარულით დამთანხმდა. მანამდე ამ პოსტზე უარი ბევრმა თქვა. მე მინდოდა საქმის კეთება, მათ კი - პიარი. ძველებურად ყვაოდა კორუფცია. ამის გამო დაიწყო ჩვენს შორის კონფლიქტი. მე გადავდექი ოდესის გუბერნატორის პოსტიდან. ამის შემდეგ მას სურდა ჰოლანდიაში ან სამხრეთ-აღმოსავლეთ აზიაში ელჩი გავმხდარიყავი. რატომღაც, მაშინ ჩემს მოქალაქეობაზე მას პრობლემა არ ჰქონია,“-განაცხადა სააკაშვილმა.
