ამერიკის კინოაკადემიამ ოსკარის 90-ე დაჯილდოების ნომინანტები დაასახელა.

ნომინანტთა სიაში  9 ფილმი მოხვდა. საუკეთესო ფილმის ნომინაციაში „დამიძახე შენი სახელით,“ყველაზე ბნელი საათი,“ „დიუნკერკი,“ „წადი,“ „ლედი ბიორდი,“ „ფანტომური ძაფი,“ „შეტყობინება,“ „წყლის ფორმა“ და „3 ბილბორდი ებინთან, მისური“ იბრძოლებენ.

მამაკაცის როლის საუკეთესო შემსრულებლის ნომინაციაზე გარი ოლდმანი, ტიმოთი შალამე, დეინზელ ვაშინგტონი, დანიელ კალუია და დენიელ დენი-ლუისი არიან წარდგენილნი.

საუკეთესო ქალი მსახიობის ნომინაციაში კი ფრენსის მაკდორმანდი, სირშა რონანი, სალი ჰოუკინსი, მარგო რობი და მერილ სტრიპი მოხვდნენ.

საუკეთესო რეჟისორის ნომინაციაზეწარადგინეს გილერმო დელ ტორო, პოლ ტომას ანდერსონი, ჯორდან პოლი, კრისტოფერ ნოლანი და გრეტა გერვიგი.

ოსკარის დაჯილდოვების 90-ე, საიუბილეო ცერემონია 4 მარტს დოლბის თეატრში გაიმართება. გამარჯვებულები 24 კატეგორიაში გამოვლინდება.