თუ ოლიგარქები ერთიანდებიან, ჩვენც უნდა გავერთიანდეთ - პატიოსანი ადამიანები, - განაცხადა მიხეილ სააკაშვილმა თბილისის საქალაქო სასამართლოს მიერ გამამტყუნებელი განაჩენის შემდეგ გამართულ პრესკონფერენციაზე.
,,არც ერთ სხვა ქვეყანაში არ მახსენდება მაგალითი, როდესაც პრეზიდენტს ამის გამო განაჩენი გამოუტანეს. ამ წლების განმავლობაში ისინი ეძებდნენ ჩემს ოფშორებს, საიდუმლო ანგარიშებს, ქონებას. მათ ვერაფერი იპოვეს, ვინაიდან ეს ბუნებაში არ არსებობს“, - განაცხადა მიხეილ სააკაშვილმა. მისივე თქმით, ის, რაც ხდება ოლიგარქების გარიგებას წარმოადგენს.
„მინდა ვუთხრა ივანიშვილს და პოროშენკოს და მათ მეგობარს პუტინს. ჩემი ბრძოლა არ შეწყდება რაც არ უნდა გააკეთოთ, რა საქმეც არ უნდა შეთითხნოთ. თქვენ არ იცით ბრძოლა პოლიტიკურ ველზე, რადგან თქვენ არ გიყვართ საკუთარი ხალხი. მე კი მიყვარს ხალხი. მიყვარს უკრაინელი ხალხი, მიყვარს ქართველი ხალხი. თქვენ გსურთ საკუთარი ოპონენტები მოიშოროთ, როგორც პუტინმა მოიშორა ნავალნი, როგორც ივანიშვილმა მოიშორა ყოფილი პრემიერ- მინისტრები, როგორც იანუკოვიჩმა მოიშორა იულია ტიმოშენკო. თუ ოლიგარქები ერთიანდებიან, ჩვენც უნდა გავერთიანდეთ- პატიოსანი ადამიანები“, - განაცხადა სააკაშვილმა.
დღეს, თბილისის საქალაქო სასამართლომ მიხეილ სააკაშვილს გირგვლიანის საქმეზე 3 წლით თავისუფლების აღკვეთა მიუსაჯა და ამასთანავე ჩამოართვა თანამდებობის დაკავების უფლება 1 წლითა და 5 თვის ვადით.