„ამ გადაწყვეტილებას დიდი ხანი ველოდით, რა საკვირველია, ვფიქრობდით რომ მას უფრო მეტი მიესჯებოდა. მისი დანაშაულები რომ აღვრიცხოთ, მისთვის ალბათ, სამუდამო სასჯელი უნდა მიესაჯათ. სააკაშვილს დიდი დანაშაული მიუძღვის არამხოლოდ ჩვენი ოჯახის მიმართ, არამედ მთელი ერის წინაშე“, - განუცხადა „ჯი-ეიჩ-ენს“ სანდრო გირგვლიანის ბიძამ, გოგი ენუქიძემ.
ენუქიძე იმედოვნებს, რომ აღნიშნული გადაწყვეტილების საფუძველზე მიხეილ სააკაშვილის ექსტრადირება მოხდება.
იმედია, ამის შემდეგ, მისი ექსტრადირებისთვის არანაირი შეფერხება აღარ იქნება. ის ალბათ, ამ სასჯელს ციხეში მოიხდის. მიკვირს იმ ადამიანების, რომლებიც სასამართლოზე გაოცებულები იყვნენ და დებოში გამართეს იმასთან დაკავშირებით, თუ როგორ დაისაჯა ეს ადამიანი. ის ადამიანები, რომლებიც მისი მხადამჭერები არიან და სასამართლოზეც იყვნენ, ალბათ, თვითონაც არიან იმ დანაშაულებრივი ჯგუფის წარმომადგენლები, რომლებმაც ქვეყანა ასეთ კატასტროფამდე მიიყვანეს.
შეწყალება როგორ, რა გზით, რა ხრიკებით მოხდა, ესეც უნდა აიწონ-დაიწონოს. მხოლოდ იმაზე რომ საუბრობენ, შეწყალების უფლება აქვს და გამოიყენაო, ასე არ არის. ამ უფლების გამოყენება კანონიერი გზით შეიძლება და არა ყველანირი ხრიკით“, - აცხადებს ენუქიძიე.
მისი განმარტებით, სასამართლოს დღევანდელი გადაწყვეტილებით სტრასბურგის სასამართლოს გადაწყვეტილება მოვიდა სისრულეში.
„სტრასბურგის სასამართლომაც ზუსტად ეს დაადასტურა, რომ ასეთ შემთხვევაში, შეწყალება დანაშაულს ნიშნავდა. ვთვლი, რომ დღეს სტარსბურგის გადაწყვეტილება სისრულეში მოვიდა. მაინც და მაინც კმაყოფილი არ ვართ იმით, რომ სააკაშვილს სულ რაღაც 3 წელი მიესაჯა. თუმცა, ამის თაობაზე რაგირებას არ ვაპირებთ, რადგან გარდა ჩვენი საქმისა, კიდევ ბევრ საქმეში აქვს ბრალი წაყენებული. იმ დანაშაულებიდან გამომდინარე მას კიდევ დაემატება რამდენიმე წელი. პრეზიდენტი, რომელსაც ამდენი დანაშაული მიუძღვის, ღირსია, რომ სამდუამოდ ციხეში ჩაჯდეს“, - აცხადებს გოგი ენუქიძე.
შეგახსენებთ, რომ თითქმის 5 წლიანი სასამართლო განხილვების შემდეგ, დღეს, თბილისის საქალაქო სასამართლოს მოსამართლემ, გიორგი არევაძემ, მიხეილ სააკაშვილი სანდრო გირგვლიანის მკვლელობის საქმეზე უფლებამოსილების ბოროტად გამოყენების ნაწილში დამნაშავედ ცნო.