უკრაინის სასამართლომ მიხეილ სააკაშვილისთვის აღკვეთის ღონისძიების შესახებ დღეს უნდა იმსჯელოს. უკრაინული მედიის ინფორმაციით, მიხეილ სააკაშვილის თანაგუნდელმა დავით საყვარელიძემ მხარდამჭერებს სასამართლო პროცესის პარალელურად სასამართლოსთან შეკრებისკენ მოუწოდა.
ამასთან, სააკაშვილის პარტიის ”ახალი ძალების მოძრაობის” წევრები აცხადებენ, რომ სააკაშვილის სასამართლო პროცესი სავარაუდოდ პეჩორსკის სასამართლოში, კრეშატნიკის ქუჩაზე გაიმართება.
სააკაშვილი კიევში 8 დეკემბერს, ერთ-ერთ საცხოვრებელ ბინაში დააკავეს. ის ამჟამად წინასწარი დაკავების იზოლატორშია გადაყვანილი. წინასწარი ინფორმაციით პროკურატურა მისთვის სამაჯურით შინაპატომრობას მოითხოვს.
